ORDE do 26 de xullo de 2012 pola que se establece a oferta de programas de cualificación profesional inicial

ORDE do 26 de xullo de 2012 pola que se establece a oferta de programas de 
cualificación profesional inicial en centros públicos da Comunidade Autónoma 
de Galicia.



A Lei orgánica 1/1981, do 6 de abril, pola que se aprobou o Estatuto de autonomía de 
Galicia, e o Real decreto 1763/1982, do 24 de xullo, sobre o traspaso de funcións e servizos da Administración do Estado á Comunidade Autónoma de Galicia en materia de educación, recoñécenlle a esta Administración as competencias en materia de planificación, 
regulación e administración do ensino regrado en todos os seus niveis e graos, e nas súas 
modalidades e especialidades, consonte os preceptos emanados da Constitución e das 
leis que sexan de aplicación, competencias que na actualidade están asignadas á Consellería de Cultura, Educación e Ordenación Universitaria.
A Lei orgánica 2/2006, do 3 de maio, de educación, no seu artigo 30, establece que lles 
corresponde ás administracións educativas organizar programas de cualificación profesional inicial destinados a alumnas e alumnos maiores de 15 anos, cumpridos antes do 31 de 
decembro do ano de inicio do programa, para os cales se considere que é a mellor opción 
para alcanzar os obxectivos da etapa de educación secundaria obrigatoria, co fin de que 
alcancen competencias profesionais propias dunha cualificación de nivel 1 da estrutura actual do Catálogo nacional de cualificacións profesionais, así como que teñan a posibilidade 
dunha inserción sociolaboral satisfactoria e amplíen as súas competencias básicas para 
proseguiren estudos nas diferentes ensinanzas.
A disposición adicional primeira da Orde do 13 de xullo de 2011 prevé que a Consellería 
de Cultura, Educación e Ordenación Universitaria determine anualmente a oferta de programas de cualificación profesional inicial na Comunidade Autónoma de Galicia.


Dog/Publicados/2012/2012-08-13