Antigo Réxime

1.           Descrición da actividade

1.1         Introdución

Na actividade preténdese contrastar os trazos definidores do absolutismo propio do Antigo Réxime coas características do sistema democrático actual. Tamén se intenta facer un pequeno achegamento aos acontecementos e aos reinados máis representativos da historia moderna de España e ás institucións de goberno galegas deste período.

Durante a Idade Moderna predominaban en case toda Europa as monarquías absolutas. Estas formas de goberno, baseadas na concentración de poder nas mans dos monarcas por mandato divino, eran totalmente opostas ao sistema político democrático que existe na actualidade na Unión Europea.

@  A través da tarefa primeira compararemos e diferenciaremos as características da monarquía absoluta coas dun sistema democrático.

& Consulte o libro de texto de referencia na unidade 4, páxina 66, para ampliar contidos.

Nesta época, os países europeos mantiñan continuas guerras por motivos relixiosos e tamén por acadar o predominio no continente. España xogaba entón un papel moi destacado. Os monarcas da casa de Austria (Carlos I, Filipe II, Filipe III, Filipe IV e Carlos II) reinaron durante os séculos XVI e XVII. Despois da morte de Carlos II sen herdeiros, chegaron ó trono español os reis da casa de Borbón (Filipe V, Fernando VI, Carlos III e Carlos IV) que reinaron ó longo do século XVIII.

& Pode ampliar información sobre España entre os séculos XVI a XVIII no libro de referencia, na unidade 3 (páxinas 46 e 48), na unidade 4 (páxinas 62 e 63) e na unidade 6 (páxinas 104 e 105).

@  Na segunda tarefa realizaremos unha liña do tempo na que situaremos algúns acontecementos destacados da historia de España nestes tres séculos.

@  Na terceira tarefa relacionaremos cada reinado español da Idade Moderna coa súa cronoloxía.

Galicia viuse durante o Antigo Réxime totalmente sometida ao control da monarquía española. As institucións de goberno galegas durante os séculos XVI e XVII estaban controladas polos representantes do goberno central. Entre estas institucións podemos destacar as seguintes: gobernador Capitanía Xeral, Real Audiencia e Xuntas do Reino. No século XVIII as reformas realizadas polos reis da casa de Borbón provocaron a aparición dunha nova institución: a Intendencia.

& No relativo a Galicia durante o Antigo Réxime pode consultar o libro de referencia na unidade 3 (páxina 54) e na unidade 6 (páxina 106).

1.2         Tarefas

§  Tarefa 1: Características da monarquía absoluta.

§  Tarefa 2: Cronoloxía dos acontecementos da historia moderna de España.

§  Tarefa 3: Os reinados españois durante a Idade Moderna.

§  Tarefa 4: As institucións de goberno en Galicia no Antigo Réxime.

1.2.1      Tarefa 1: Características da monarquía absoluta

O absolutismo monárquico é unha forma de goberno propia do Antigo Réxime. Está baseado na figura do rei, que concentra todos os poderes e non rende contas máis que a Deus.

§  Indique cales das características que aparecen deseguido son propias dun sistema político absolutista (ABS) e cales son propias dun sistema político democrático (DEM):

CARACTERÍSTICAS	ABS / DEM
O rei posúe todo o poder
Os cidadáns elixen os gobernantes co seu voto
As persoas non teñen ningún dereito
Existe división de poderes
As leis recóllense nunha constitución
As leis non son iguais para todas as persoas

Autoavaliación

CARACTERÍSTICAS	ABS / DEM
O rei posúe todo o poder	ABS
Os cidadáns elixen os gobernantes co seu voto	DEM
As persoas non teñen ningún dereito	ABS
Existe división de poderes	DEM
As leis recóllense nunha constitución	DEM
As leis non son iguais para todas as persoas	ABS

1.2.2      Tarefa 2: Cronoloxía dos acontecementos da historia moderna de España

Durante os séculos da Idade Moderna, España xogou un papel destacado en Europa: o século XVI foi o século do predominio español en Europa; o século XVII foi unha época de crise e decadencia política; o século XVIII trouxo unha nova dinastía, a de Borbón, que continúa reinando na actualidade. Consulte o libro de texto e realice o que se pide.

§  Deseguido aparece unha serie de acontecementos destacados da historia moderna de España.

A) Escriba na columna da dereita as súas datas, seguindo o exemplo:

a) Conquista de Granada polos Reis Católicos
b) Expulsión dos mouriscos de España
c) Tratado de Utrecht	1713
d) Batalla de Lepanto
e) Revolta das Comunidades en Castela

§  B) Sitúeos no eixo cronolóxico que aparece a continuación, como se realiza no exemplo:

Autoavaliación

§  A)

a) Conquista de Granada polos Reis Católicos	1492
b) Expulsión dos mouriscos de España	1609
c) Tratado de Utrecht	1713
d) Batalla de Lepanto	1571
e) Revolta das Comunidades en Castela	1520

§  B)

1.2.3      Tarefa 3: Os reinados españois durante a Idade Moderna

Durante os séculos XVI e XVII reinan en España monarcas da casa de Austria. Esta dinastía comezou con Carlos I e rematou con Carlos II, que morreu sen descendencia. Tras unha guerra pola sucesión ao trono español, estableceuse na coroa española unha nova dinastía, a de Borbón, en 1700. Consulte un libro de texto e realice o que se pide.

§  Relacione mediante frechas os elementos das seguintes columnas, tendo en conta que a cada elemento da columna da esquerda lle corresponde un da columna da dereita:

REI	ANOS DE REINADO
Filipe II	1621-1665
Carlos III	1516-1556
Filipe IV	1598-1621
Carlos I	1759-1788
Filipe III	1700-1746
Filipe V	1556-1598

Autoavaliación

              REI                                 ANOS DE REINADO

Filipe II	1621-1665
Carlos III	1516-1556
Filipe IV	1598-1621
Carlos I	1759-1788
Filipe III	1700-1746
Filipe V	1556-1598

1.2.4      Tarefa 4: As institucións de goberno en Galicia no Antigo Réxime

Durante o Antigo Réxime, Galicia viuse sometida ao proxecto centralizador dos monarcas españois. O territorio viuse reducido en extensión e dividido en provincias. Os cambios máis destacados afectaron ás súas institucións de goberno, que foron postas ao servizo dos intereses do Estado español para facilitar o control sobre o territorio galego. Consulte o libro recomendado e realice o que se pide.

§  Indique na columna da esquerda se as frases que aparecen na columna da dereita son verdadeiras (“V”) ou falsas (“F”)

	V/F
a) A Real Audiencia trataba os problemas relativos a Galicia que lle consultaba o rei
b) As Xuntas do Reino foron creadas polos monarcas Borbón no século XVIII
c) O Gobernador Capitán Xeral presidía as Xuntas do Reino e a Real Audiencia
d) A Intendencia foi creada no reinado de Filipe V

Autoavaliación

	V/F
a) A Real Audiencia trataba os problemas relativos a Galicia que lle consultaba o rei	F
b) As Xuntas do Reino foron creadas polos monarcas Borbón no século XVIII	F
c) O Gobernador Capitán Xeral presidía as Xuntas do Reino e a Real Audiencia	V
d) A Intendencia foi creada no reinado de Filipe V	V